உறங்குவதற்கு முன்

உறங்குவதற்கு முன்

 ஏதோ ஒரு
துரோகம் நினைவுக்கு வருகிறது
 நாம் இழைத்ததாக இருக்கலாம்
 அல்லது நமக்கு இழைத்ததாக இருக்கலாம்

 ஏதோ ஒரு
 பெருங்கனவு வந்தமர்கிறது
அடைந்ததாக இருக்கலாம்
 அடையவிருப்பதாக இருக்கலாம்

 ஏதோ ஒரு
 அன்பு இழையோடுகிறது
 மீண்டதாக இருக்கலாம்
 மீளாததாக இருக்கலாம்

 ஏதோ ஒரு 
வன்மம் நிலைகொள்கிறது
நிகழ்ந்ததாக இருக்கலாம்
 நிகழப்போவதாக இருக்கலாம்

 ஏதோ ஒரு
சில உணர்வுகள் மேலோங்குகிறது 
அவை உறங்கும் முன்னதாகவும் இருக்கலாம்
 உறங்கிய பின்னாகவும் இருக்கலாம்.