பசி

பசி ஒரு கொடூரமான
மனிதன் இங்கு விலங்கு என்று
விளித்தால் அவை கண்டனம் தெரிவிக்கும்

அப்பசி ஒன்றையும்
விடுவதில்லை சுவாசிக்கும் காற்றைக்
கூட யாசகம் கேட்க வைக்கும்

எவ்வளவு இரத்தத்தை
குடித்தாலும் அதன்
தாகம் தணிவதேயில்லை
கடல் நீர் போல்
ஆர்ப்பரித்துக் கொண்டேயிருக்கும்

கதறல்கள் எல்லாம்
ஆனந்த இசை ஆயின
மழலைகளை பூச்சிகள்
போல் நசுக்கின

எண்ணிலடங்கா மொட்டுகளை வரிசைப்படுத்தி தன்
சுய இன்பத்தை வெளிப்படுத்தியது அக்கோரப்பசி

மனிதம் என்ற சொல்
அகராதியிலிருந்து
கிழித்தாகிவிட்டது

இரத்தம் தோய்ந்த யோனிகள் பழகிவிட்டன
தேனீர் கோப்பைப்போல்

மனிதம் மரித்து
அதன் மேல் படர்ந்துள்ள
கொடியை
வேடிக்கை பார்த்துக் கொண்டியிருக்கிறோம்
சற்றும் தயங்காமல்.